Yuzga xusunbuzar chiqsa, bu nimaning belgisi?

Ҳуснбузар юзингизнинг қайси соҳасида пайдо бўлганига кўра, организмингиз учун қандай муолажа кераклигини билишингиз мумкин. Демак, кўзгу қаршисига туринг-да, суратда кўрсатилганидек, юз соҳаларига диққат қилинг. Агар:

1. ҳуснбузар пешана марказида бўлса, ингичка ичак билан боғлиқ муаммолар борлигидан дарак;
2. пешана чаккасидагиси сийдик қопи муаммоларини акс эттиради;
3. қошларнинг юқорисида пайдо бўлгани юрак-қон томир фаолиятида безовталик борлиги нишонаси;
4. қошлар ўртасидан чиққани жигарингиздаги ўзгаришлардан хабарчи;
5. кўз ости қопчаларида бўлса, буйракдаги муаммолардан огоҳлантиради;
6. бурун устидагиси ошқозоности бези фаолиятида ўзгаришлар кузатилаётганидан дарак беради;
7. юзнинг ўрта қисмига тошгани қорин ва ичаклар фаолияти таъсирида юз беради;
8. лаб усти бўлса, юрак билан боғлиқ муаммоларни англатади;
9. лабларнинг икки ён тарафидан пайдо бўлгани йўғон ичакдаги муаммоларни бартараф этишга чорлайди;
10. жағ устидан чиққани ўпкадаги шамоллаш ёки бирор касаллик аломати бўлиши мумкин;
11. даҳан соҳасидаги ҳуснбузарни кичик тос суяги билан боғлиқ дея баҳолашади.