Bu voqea 5 yil oldin

Bu voqea 5 yil oldin bo`lib o`tgandi. O`shanda men shahrdagi uyda ijarada turar edim. Hamxonam uxlab qolgandan keyin har kuni tungi sayrga chiqib ketar edim. Xuddi shunday tunlardan birida, ko`chada aylanib yurgan edim. Qorong`u, yorug`alik elas-elas tushib turgan ko`chalarda kezib yurgan edim. Ko`chada hech zog` ko`rinmas, soat tungi 2-3lar atrofida bo`lgani uchun mashinalar qatnovi ham to`xtagan edi. Uzoqdan insonning sharpasini ilg`adim. Yaqinlashavergani sayin uning raqsga tushayotganini payqab qoldim. Uning harakatlari juda ham chiroyli, xuddi tangoga raqs tushayotgandek edi. Har bir harakatini bir qadam oldinga siljish bilan tugatar edi. Uni mast deb o`ylab o`tib ketishi uchun unga yetarlicha joy berish maqsadida yo`lning chetidagi yo`lakchaga o`tib oldim. Borgan sari u menga yaqinlashar edi, shu bilan birga uning yuzi ham tiniqlashib borar edi. Nihoyat, uning yuzi aniq ko`rindi. Ko`rgan manzaramdan hayron qoldim. U baland bo`yli, qotmadan kelgan yigit, Ko`zlari katta-katta ochilgan, nigohida telbalarcha yovvoyilik qotib qolgan, yuzida egri kulgi aks etgan edi. Xuddi multikdagi yovuz qahramondek. Nimagadir uning boshi sal orqaga tisarilgan va katta-katta ko`zlari osmonga qaratilgan edi. Uning yuzini ko`rib o`zimni noxush his etdim. Ko`nglim xiralashdi. Butun tanam titrab ketdi. Menga yaqinlashmasidan yo`lning narigi chetiga o`tib olishga qaror qildim va yo`ldan o`tayotganda undan nigohimni uzdim. Ko`zlagan yerimga yetgandan keyin qarshimga qarab yerga qoqilgandek qotib qoldim. U mening qarshimda, men turgan yo`lakchada turar edi, Uning yuzi menga qaratilgan, lekin ko`zlari hamon tepada edi. U raqsga ham tushmas, o`sha qiyshiq kulgisi bilan qimirlamasdan turar edi. Asabiylashib unga yaqinlasha boshladim.Ammo u hamon joyidan jilmas edi. Undan 7 metrlar uzoqda bo`lganimda nechadir soniyaga ortimga o`girildim. Ko`chada hech kim yo`q edi. Oldinga qaraganimda esa u g`oyib bo`lgan edi. 2 soniyaga yuragim tinchlandi. Ammo ko`z qirim bilan uning yo`lning narigi chetida turganini payqadim. U juda tez harakatlanar edi. Bir vaqt u menga qarab harakatlana boshladi. Xuddi multikda qahramon o`ljasining oldiga katta katta qadamlar bilan yaqinlashganidek. Farqi shundaki u juda tez yurar edi. Bu juda ham yoqimsiz ko`rinish. U mendan 3 metrlar uzoqda to`xtab qoldi. Bor kuchimni to`plab " Mendan nima istaysan?" demoqchi edim. Ammo og`zimdan " Nima balo ...." degan so`z chiqa oldi. ovozimdagi qo`rquvni eshitib yuragim yorilishiga sal qoldi. U bir muddat menga qarab turdida keyin juda sekinlik bilan burulib yo`lida davom eta boshladi. U ko`zdan g`oyib bo`lmaguniga qadar ortimni o`girish niyyatim yo`q edi. Unga qarab turar edim. Yaxshi ham shu qarorga kelibman. U mendan ancha uzoqlashgandan so`ng, o`ta chaqqonlik bilan ortiga o`girildida multikdagi qahramon kabi men tomonga yugura boshladi. Uning yugurayotganini payqab men ham yugura ketdim. Narigi ko`chaga yetib olgunimga qadar u meni quvladi. Bir payt ortimga o`girilib qarasam u yo`q. Uyga yetib olguncha ortimga qaradim. U meni ta`qib etmadi. Shu-shu kechalari ko`chaga chiqmaydigan bo`ldim..!