Dahshatli kampir

Men hamma qatori oddiy yigit edim. Nufuzli Univerda tahsil olar edim. Do`stlarim ham talaygina edi. Toki…. Yozgi ta`tilde do`stlarim bilan baliq ovlashga bordik. Qaytayotib bir tasodif tufayli oyog`imni sindirib oldim. Shifokorning aytishicha yiqilganimda suyagim qayishib qolgan ekan. Uning o`z holiga qaytishi uchun kamharakat bo`lib ko`chaga 1 oy davomida chiqmasligim zarur ekan. Naq 1 oy uyda zerikib o`tirish malol keldi. Ammo sog`liq ham kerakku. Qisqasi… Kunlarimni uyda zerikarli holatda o`tkazib borar edim. Bir kuni eshik jiringlab qoldi. Ochsam bir kampir turar edi. Gavdasi salgina bukchayganligiga qaramasdan chehrasi yoqimli edi. Mendan 1 piyola suv berishimni iltimos qildi. Qo`ltiqtayoqdaligimga qaramay unga suv olib kelish uchun oshxona tomon yo`naldim. Suv olib kelganimda esa u yo`q edi. Chiday olmagandirda deya eshikni yopib piyolani oshxonaga eltib qo`ydim. Xonamga kirib pleyerimdan qo`shiq qo`yib yotuvdimki ko`zim ilinib qolibdi. Tushimda o`sha kampir kiribdi. Dahliz oxirida turgan emish. Lekin bu safar u umuman yoqimli ko`rinmas edi. Ko`zlari olazarak bo`lgan, yovvoyi nigohi menga qaratilgan edi. Og`zini ochib nimalarnidir gapirib men tomon asta- sekinlik bilan yurib kela boshladi. Uning oqarib ketgan sochi yuzida hilpirab yotar edi. Shu onda men xonam eshigi oldida turgan ekanman. Uning har qadam yaqinlashgani bilan bir ofatning yaqinlashayotganini sezib turgan emishman. Eshikni zarb bilan yopib qo`ydim. Belim aralash oyog`ining og`rig`idan uyg`onib ketdim. Soat tungi 3.00 Bir amallab hammomga yetib oldim. Tish cho`tkasi va pastani olib tishimni yuvdim, yuzimni yuvdim. Boshimni ko`tarib hammom oynasiga qaraganimda qo`rquvdan qotib qoldim. Oynada orqamda turgan o`sha kampirni ko`rdim. Uning ko`zlari shu darajada chaqchayganki ko`rgan insonda hozir ko`zi yorilib ketadi degan taassurot uyg`otar edi. Og`zi qiyshiq qilib ochilgan yorilib ketgan lablari tagidan sarg`ayib ketgan tishlari ko`rinib turar edi. Sochlari to`zg`ib ketgan. Qonli qo`llarini men tomon cho`zib turar edi. Jon holatda ortimga o`girildim. Hech kim yo`q. Belimdagi va oyog`imdagi og`riq ham yodimdan ko`tarilib ketdi. Arang xonamga yetib olib chiroqni yoqdim. Krovatga qulay joylashib shu ahvolda kun yorishgancha qimirlamasdan o`tirdim. Ertasi kuni do`stimni bir tun mehmon bo`lishga chaqirdim. U ham rozi bo`ldi. Yarim soatdan keyin u uyimda edi. Unga bo`lgan voqeani aytib berdim. Tabiiyki u ishonmadi. Kun kech bo`ldi. Do`stim mening krovatim oldida o`ziga o`rin to`shab uxladi. Mening esa ko`zimga uyqu kelmas edi. Bilmadim qaysi mahal ko`zim ilinib qoldi. Yana o`sha tushni ko`rdim. Xuddi o`shandek kampir dahliz oxirida men esa eshik oldida turar edim. Ammo bus afar u menga ancha yaqinlashib qolgan edi. Bir payt kampir mening biqinimdan sirg`alib o`tib yerda yotgan do`stimning ustiga o`zini otdida og`zini katta ochib do`stimning og`zidan nimanidir so`rib tortib ola boshladi. Yana belim va oyog`imdagi kuchli og`riqdan uyg`onib ketdim. Darrov do`stimni uyg`otmoqchi bo`ldim Ammo qancha urunmay u uyg`onmas edi. Qo`lini tutdim. Hali issiq. Demak umid bor… Unga sun`iy nafas qilish uchun o`zimga tomon o`girgan edim, uning ko`karib ketgan yuzida dahshat qotib qolganini ko`rdim. Tez yordam keldi. Do`stimning o`limi sababini ichki qon ketishdan deya belgiladi. Haligacha men o`zimni koyib, vijdon azobida qovurilib kelaman. O`shanda eshikni yopganimda do`stigma hech nima bo`lmas edi axir. O`sha tundan so`ng qo`rqinchli tushlar tugadi. Lekin hayotim chappasiga ketdi. Do`stimning ota-onasi meni o`glini o`ldirganda ayblab sudga berishdi. Mening aybsiz ekanligim isbotandi, vaholanki men aybdor edim. Do`stlarim o`zlarini mendan olib qocha boshlashdi. Universitetdan esa meni haydashdi. U kampir nega aynan mening do`stimni tanlaganini bilmayman.Lekin bir maslahat sizlarga, eshigingizni taqillatgan har kimga ham darvozangizni ochavermang.