DERAZA ORTIDA

Qishning sovuq kunlaridan birida 16 yoshli qiz uyda yolg`iz o`tirar edi. Uning ota-onasi do`stlarinikidagi bazmga ketishgan edi. o`sha kuni quyuq qor yog`gan bo`lsa ham, qiz, mehmonxonadagi divanda, issiq odealga o`ralgan holda xonadagi katta deraza oldida joylashgan televizorni ko`rib bemalol o`tirar edi. Kech bo`lganda derazadan kimnidir ko`rgandek bo`ldi. Quyuq yog`ayotgan qor ortidan erkak kishining gavdasini ajrata oldi. Gavda yaqinlashganda uning yuzini aniq ko`rib turgan edi va dahshatdan tili kalimaga kelmas edi. U insonning yuzida har tomonga cho`zilib ketgan pichoqdan qolgan izlari bor edi. Og`zi esa bir tomonga qarab qiyshayib qolgan edi. Erkak to`g`ri qizning ko`zlariga deraza ortidan qarab turar edi. Bir vaqt erkak qo`lini cho`ntagiga tiqib undan nimanidir chiqardi. Bu pichoq edi. Qiz qo`rquvga chiday olmay telefon go`shagini olib militsiyaga qo`ng`iroq qildi. - Allo! Militsiya?! Derazam ortidan kimdir menga qarab turibdi. uning qo`lida pichog`i ham bor. Iltimos tezroq yetib kelinglar. - Manzilizni ayting. -........ Oradan vaqt o`tib tashqaridan serena ovozi keldi. Eshik jiringladi. Qiz eshik tomon yeldek uchib borib uni ochdi. Militsiya hodimlari tashqarida hech kimni ko`rmaganlarini aytishdi. - Ammo men ko`rdim uni. U mana shu deraza ortidan, qo`lida pichoq bilan menga qarab turardi. Shunda militsiya hodimlaridan biri qizni masxara qilgandek: - Ba`zida ko`zlarimiz biz bilan qaltis hazillashadi- dedi. Ammo qiz o`z aytgan gapida qat`iy turib oldi. Militsiya hodimlari unga ishonishmadi. Ketishga hozirlanib turganlarida militsiya hodimlaridan biribu yerda qandaydir gap bor deya shubhalandi va qiz o`tirgan divanni ko`zdan kechira boshladi. Divan ortiga o`tganida u yerda gilamda qolgan nam oyoq izlari va tashlangan pichoq turar edi. So`ng qizga qarab - Si`z erkakni deraza ortida ko`rdim dedizmi? Aslida siz uning aksiga qarab turgansiz. Shuncha vaqtdan beri u sizdan ikki qadam orqada turgan bo`lgan- dedi-yu divan ortidagi nam oyoq izlari va yerda yotgan pichoqni ko`rsatdi.