U KIM EDI?

Angliyalik adiba Marta Enniston doim mistik kitoblar yozar edi. Shuning ortidan mashhurlikka erishgan, tirikchiligi öqituvchilikdan edi. Kunlarning birida missis Marta ishdan qaytishda yemakxonada ovqatlanish uchun kirdi. U yerda bir chetdagi stolga ötirib chizburger yeb kofe ichayotganda nogahon bir kimsaga közi tushdi. Notanish kimsa shlyapasini bostirib olgan, nuqul Marta xonimga qarardi. U shunchalik yoqimtoy istarali ediki hamma unga ög'rincha qaray boshladi. Marta xonim ham undan köz uzmadi. Tanovul qilgan yozuvchi ayol shundoqqina yemakxonaning röparasidagi uyiga yöl oldi. Notanish kimsa ham unga ergashdi. Marta xonim eshikdan kirarkan, notanish odamga savol nazari bilan qaradi. - Missis Marta, sizda ikki og'iz gapim bor. Uyingizda gaplashsak böladimi? -dedi istarali kishi. Marta xonim garchi hushyor ayol bölsada qarshilik körsatish uchun sabab topmadi. Ikkalasi uyga kirgach notanish kimsa söz boshladi: - Marta xonim, siz mistik asarlar yozib ruhlarni bezovta qilayapsiz. Jumladan yovuz ruhlarni ham. Sizni ogohlantirish uchun keldim. -dedi. - Nimadan ogohlantirmoqchisiz? Kimsiz? -dedi Marta xonim. - Men - siz biladigan mavhum olamdan keldim. Bizning olamni tinch qöying. Sizda ikkita yöl bor: birinchisi, siz boshqa yönalishda kitob yozasiz. Ikkinchisi, ölim. - Özga olamdan ekaningizni qanday isbotlaysiz? -dedi Marta xonim. Notanish kimsa javob bermadi. Chöntagidan shishacha olib deraza tokchasidagi sölib qolgan gulga suv quydi. Keyin eshik tomon yurdi. Ayol esa "men ölsam qizimni ahvoli ne kechadi? Axir yolg'iz ayol bölsam..." deya xayolidan ötkazdi. Eshikka yetgan notanish ögirilib nimtabassum bilan: - Siz ölsangiz qizingizni qöshni ayol boqib oladi. -deb chiqib ketdi. Marta xonim eshikni yopib kresloga ötirib boyagi gullarga qaradi. Ne ajabki gullar yashnab turardi! Ayol hammasini tushunib yozuvchilikni töxtatishga qaror qildi. Lekin unga bir savol tinchlik bermay qöydi. U kim edi?