Yig`lab-yig`lab kelin bo`lgan armonginam,
Ota so`zin ustun bilgan qurbonginam.
Yig`lamagin, men g`arib deb to`kma ko`z yosh,
Yurak bag`rim tig`lamagin, berolmas bardosh.
Ota-onang boyga seni sotdilarmi,
Zarga o`rab, boy dargohga otdilarmi?
Baxting sotib, huzur qilib yotdilarmi,
Ishqin oshkor etolmagan qurbonginam.
Agar o`lsam, tobutimga tikilmagin,
Joning qiynab, jonim, hech ham siqilmagin.
Bag`ring tig`lab, mendek, jonim, yiqilmagin,
Kuzgi xazon kabi bir kun to`kilmagin.
Yig`lab-yig`lab kelin bo`lgan armonginam,
Ota so`zin ustun bilgan qurbonginam.
Yig`lamagin, men g`arib deb to`kma ko`z yosh,
Yurak bag`rim tig`lamagin, berolmas bardosh.
