9 may kuni Samarqandda ham g`alaba paradi o`tkaziladi

Samarqand viloyatida 9-may – Xotira va qadrlash kuni tantanalariga tayyorgarliklar davom etmoqda.

Shodiyona kuni Momatsaro ona haykaliga gul qo`yish marosimi o`tkazilgach, Ko`k saroy maydonida Ikkinchi jahon urushi davrining harbiy texnikasi namoyish etiladi.

Paradda urush qatnashchilari va mehnat fronti faxriylari elektrokarlarda o`tishadi. Shuningdek, ularni dala oshxonasida tayyorlangan taomlar bilan siylashadi.

"Zarafshon" nashri xabariga ko`ra, tadbirda “Nuroniy” jamg`armasiga 16 ta “Damas” va bitta “Captiva” avtomobillari topishirilishi marosimi o`tkaziladi.

Faxriy nuroniylar uchun “Bog`ishamol Garden”da dasturxon yoziladi.
Manba: Darakchi.uz