AQSh fuqarosi sud xatosi tufayli qamoqda 17 yil o‘tirib chiqdi

Nyu-York sudi qotillikda
yanglish ayblangan kishini
ozodlikka chiqarish haqida
qaror qabul qildi. Bu haqda
New York Daily News xabar
berdi.
Rojer Logan oila a’zolari bilan
yuz ko‘rishmoqda. Foto:
nydailynews.com
Rojer Logan 3-iyun, seshanba
kuni jazoni qayta ko‘rib
chiqish bo‘linmasi sa’y-
harakatlari sharofati bilan
ozodlikka chiqdi. U qamoqda
17 yil umrini o‘tkazdi.
Logan 1997-yil 24-iyul kuni
Shervin Gibbonsni
o‘ldirganlikda ayblanib hibsga
olingan edi. Asosan, qo‘shni
ayol bergan ko‘rsatmalarga
tayanib, unga 25 yildan bir
umrgacha qamoq jazosi
belgilangan. Ancha yillardan
keyingina Loganni jinoyat
sodir etilgan joyda
ko‘rganligiga sudni
ishontirgan ayol aslida
hodisaga guvoh bo‘lmagani
ma’lum bo‘ldi.