Dunyodagi eng qimmat soat Jenevadagi kimoshdi savdosida 21 million dollarga sotildi

Patek Philippe firmasining cho‘ntak soati Jenevada bo‘lib o‘tgan kimoshdi savdosida 21,3 million dollarga sotildi. Bu haqda Korrespondent.net xabar bermoqda.

 Xronometr 1933-yilda amerikalik bankir Genri Greyvzning maxsus buyurtmasiga binoan tayyorlangan bo‘lib, 24 ta funksiya bajarishi evaziga “O‘ta murakkab” deb nomlangan. 1968-yilda bankir vafot etgach, soat Chikagodagi vaqt muzeyiga qo‘yilgan. 1999-yilda esa Nyu-Yorkda noma’lum xaridor tomonidan 11 million dollarga sotib olingan.

 2014-yil iyul oyida Sotheby’s kimoshdi savdolar uyi ushbu soat sotuvga qo‘yilishini ma’lum qilgan edi.