Dunyoning yangi eng ingichka smartfoni keyingi oyda taqdim etiladi

Vivo kompaniyasi 4,75 mm qalinlikka ega X5 Max smartfonini keyingi oyda taqdim etadi. Bu haqda Phonearena.com ma’lumotiga asoslanib “Parol” nashri xabar berdi.

 Ushbu smartfon dunyoning eng ingichka smartfoni bo‘ladi. Chunki, yaqindagina taqdim etilgan Oppo R5 smartfoni 4,85 mm qalinlikda va u hozirda dunyoning eng ingichka smartfoni hisoblanadi.

 Vivo X5 Max smartfonida 5,5 dyuym 1080×1920 pikselli displey, 1,7 GGs chastotaga ega sakkiz yadroli protsessor, 2 Gb tezkor xotira, 5 megapikselli old va 13 megapikselli orqa kamera, Android 4.4.4 KitKat operatsion tizimi o‘rnatilishi kutilmoqda.