«Kaspiy kubogi»: O'zbekistonning navbatdagi raqibi — Yaponiya

"Kaspiy kubogi"da ishtirok etayotgan O'zbekiston o'smirlar terma jamoasi o'z guruhida 2-o'rinni egalladi va endi 5-8-o'rinlar uchun bahslarda ishtirok etadi. Olimxo'jaev shogirdlarining navbatdagi raqibi Yaponiya o'smirlari bo'ladi. Uchrashuv bugun Boku vaqti bilan soat 17:00da boshlanadi.

Bu jamoa "S" guruhida Tojikiston va Gruziyaga qarshi o'yinlarda ishtirok etdi va har ikkala o'yinda durang o'ynadi. Guruhda Tojikiston 1-o'rinni egalladi.

O'smirlarimiz Yaponiyani mag'lub etishsa, 5-o'rin uchun Bolgariya-Qirg'iziston juftligi g'olibiga qarshi maydonga chiqadi. Bu o'yin 4 iyun kuni soat 17:00da bo'lib o'tadi.

Terma jamoamiz musobaqani "D" guruhida boshladi hamda Qozog'istonni 8:1 hisobida mag'lub etib, Turkiyaga 0:2 hisobida imkoniyatni boy berdi.