Манзура шоу-бизнес оламида тартиб-интизом йўқлигидан нолиди(Видео)

Хонанда Манзура сўнгги пайтларда фаол ижод қилмоқда. У кетма-кет янги қўшиқлар куйлаб, клиплар суратга олмоқда.

“Sayyod.com”нинг ёзишича, Манзура 7 декабрь куни “Бўлди, бўлди” деб номланган қўшиғига клип суратга олдирган. Клипни Наримон Султонхўжаев тасвирга олган. Клип суратга олиш жараёнида Манзура шоу-бизнес олами вакиллари, хусусан клипмейкерларнинг интизомсизлигидан нолиди. Манзуранинг айтишича, Наримон Султонхўжаев уч ой деганда Манзура учун клип суратга олишга вақт ажратган. Шунингдек, Манзуранинг сўзларидан Наримон Султонхўжаев декорация учун катта маблағ сўраганини ҳам билиш мумкин. Манзура гап орасида бошқа қўшиқларига ҳам клиплар суратга олингани, бироқ улар анча вақтдан бери тайёр бўлмаётганидан шикоят қилди. Сўзига якун ясар экан, “Дуо қилинг, шоу-бизнес аҳлига Аллоҳ инсоф берсин”, —дейди Манзура.

Қуйидаги Манзуранинг “Бўлди, бўлди” клипи суратга олиш жараёнидаги мини интервьюсини томоша қилишингиз ва хонанданинг юмор ҳисси нечоғлик бой эканлигига амин бўлишингиз мумкин.