Навоийда 20 ёшли қизни уриб, телефонини олиб қочган босқинчи ҳибсга олинди

Навоий шаҳар ИИБга Кармана туманида яшовчи 20 ёшли аёл мурожаат қилиб, номаълум шахс "Кимёгарлар" ўйингоҳининг орқасида уни уриб, жароҳат етказиб Samsung русумли қўл телефонини олиб кетганлигини маълум қилади, деб хабар беради Ўзбекистон Республикаси ИИВ Матбуот хизмати. Шаҳар ички ишлар ходимлари томонидан олиб борилган тезкор-қидирув ва суриштирув ҳаракатлари натижасида гумонланувчи "иссиқ изида" қўлга олинди ва ушбу жиноят тўлиқ фош этилди. Аниқланишича, мазкур босқинчиликни Нурота туманида яшовчи фуқаро содир этган. Ушбу ҳолат бўйича жиноят иши қўзғатилиб, тергов ҳаракатлари олиб борилмоқда.