Португалия президенти Роналдуни “Олтин тўп” соҳиби бўлгани билан табриклади

Португалия президенти Марселу Ребелу де Соуза мамлакат терма жамоаси ва “Реал” клуби ҳужумчиси Криштиану Роналдуни "Олтин тўп–2016" совринини қўлга киритгани билан табриклади. "Криштиануни тўртинчи "Олтин тўп" билан табриклайман", – деб унинг сўзларидан иқтибос келтирмоқда Португалия футбол федерацияси. Маълумот учун, 31 ёшли форвард ўтган мавсумда "Реал" билан ЕЧЛ ғолиби, Португалия термаси билан эса Европа чемпиони бўлди. Шунингдек, 2016 йилда у 55 марта майдонга тушиб, 51 та гол ҳамда 17 та голли узатмага муаллифлик қилган. Қайд этиш керак, "Олтин тўп"ни қўлга киритиш бўйича ҳамон "Барселона" етакчиси Лионель Месси етакчилик қилмоқда. Унинг ҳисобида 5 та "Олтин тўп" бор.