Равшан Эрматовнинг ҳаётий ақидалари (Фурқат Юсупов блоги)

Равшан Эрматов аллақачон футболимизнинг энг сара фахрлари қаторига қўшилиб улгурди. Буни ҳеч ким инкор этмайди. Унинг ЖЧ-2010даги иштироки, дадиллиги туфайли қанчадан-қанча ёшлар футболга меҳр қўйишди, келажакда ҳакам бўлишни дилларига тугишди.

Умуман, ёшларимизда Равшан Эрматов шахсига бўлган қизиқиш жуда катта. Иқтидорли реферимизнинг хориж ва мамлакатимиз матбуотига берган интервьюларидан ҳаётий ақида қилиб олишга арзийдиган фикрларни саралаб олдим. Ўйлайманки, жаҳон тан олган реферининг ҳаётий қоидалари эътиборга молик.

- Мен ҳамма қатори оддий инсонман. Олдин қандай бўлсам, ҳозир ҳам шундайман. Ҳамиша бир хил юришга одатланганман.