«Real Madrid Kastilya» segunda B ligaga tushib ketdi

Ispaniya chempionatining Segunda ligasi so'nggi turida «Real Madrid Kastilya» «Mursiya»ga yutqazib qo'ydi (0:1). Natijada "Qirollik klubi" akademiyasidan tashkil topgan ushbu jamoa 49 ochko bilan jadvalda 20-o'rinni egalladi va saviya bo'yicha Ispaniya uchinchi ligasiga tushib ketdi.

Qiziq tomoni, «Barselona B» mavsum yakuniga ko'ra 3-o'rinni egalladi va formal jihatdan Primeroga chiqish uchun pley-off bahslarida ishtirok etish huquqini qo'lga kiritdi. Biroq reglamentga ko'ra, yuqori divizionda bitta klubning ikkita jamoasi ishtirok etishi mumkin emas.