Saudiyada qurolli shaxslar hujumi tufayli ikki politsiyachi o‘ldirildi

Saudiya Arabistonining asosan shialar istiqomat qiladigan Ash-Sharqiya viloyati, Ad-Dammam shahrida qurolli kishilar hujumi tufayli ikki politsiyachi halok bo‘ldi. Bu haqda mamlakat IIV ma’lum qildi, deb xabar beradi “TASS”. Vazirlik bayonotiga ko‘ra, shaharni patrullayotgan politsiyachilar 17-sentabr, kechki payt qurolli kishilar guruhi tomonidan otib o‘ldirilgan. Hujum qilganlar yashirinishga ulgurgan. Vazirlik buning ortida kim turgan bo‘lishi mumkinligini bildirmadi, biroq hujumni terakt sifatida baholadi.