Tanasidan 16 dona igna topilgan bola taqdiriga oydinlik kiritildi
- Категории: Yangiliklar
- Название: Tanasidan 16 dona igna topilgan bola taqdiriga oydinlik kiritildi
- Дата релиза: 14-03-18, 22:57
Tanasidan 16 dona igna topilgan bola taqdiriga oydinlik kiritildi
Bundan ikki oy muqaddam toshloqlik 11 oylik chaqaloqning tanasidan 16 dona igna topilgani haqidagi xabarlar matbuotda keng yoritilgan edi. Bugun ushbu kichkintoy Azizbek Abdumajidov sog`ayib uyiga qaytdi.
Bu haqda chorshanba kuni Sog`liqni saqlash vazirligi Axborot xizmati rahbari Furqat Sanaev O`zAga ma`lum qildi.
Ma`lum qilinishicha, Azizbekning onasi farzandining bezovtaligi, injiqligidan xavotirga tushib o`zi yashayotgan hududdagi tibbiyot muassasasiga murojaat qilgan. Dastlabki tekshiruvlarda uning tomog`i shishgani, isitmasi borligi tufayli shamollash tashxisi qo`yilgan. Biroq bolaning ahvoli o`nglanavermagach, unda rentgen tekshiruvi o`tkazilgan va tanasida igna borligi ma`lum bo`lgan. Bola va uning onasi zudlik bilan Respublika shoshilinch tibbiy yordam ilmiy markaziga keltirildi. Joriy yilning 17 yanvar kuni operasiya qilindi. 9 soat davom etgan operasiyada 10 ga yaqin shifokorlar ishtirok etdi va bolaning tanasidan 13 ta igna chiqarib olindi.
– Ignalar bola tanasida turlicha joylashgan edi, – deydi Respublika shoshilinch tibbiy yordam ilmiy markazi bolalar xirurgiyasi bo`limi shifokori Doniyor Asadullaev. — Chaqaloqning yo`g`on ichagi, siydik qopi, ko`krak qafasi, bo`yin qismi, umurtqa pog`onasi, yurak ostidan topilgan ignalar bolani ikki oycha qiynagan. Bu operasiya tibbiyotda kamdan-kam uchraydigan og`ir va nozik amaliyotdir. Bola operasiyadan keyin bir necha kun koma holatini boshidan kechirdi. Shifokorlar uning hayotini asrash uchun bor imkoniyatni ishga soldi. Shunday murakkab sharoitda bemor hayotining asrab qolinishi tibbiyotimizning o`ziga xos salohiyatidan dalolat, desak mubolag`a bo`lmaydi. Ayni paytda, bola vujudida 3 ta igna uning hayotiga xavf solmaydigan joylarda turibdi. Tibbiy tahlillarga ko`ra, hozircha ushbu ignalarning bola sog`lig`iga salbiy ta`siri mavjud emas. Agar u bolani bezovta qilsa, kelgusida operasiya yo`li bilan olib tashlash mumkin. Azizbek uyiga qaytgach, hududiy shifokorlar nazorati ostida bo`ladi.
Bola tanasiga ignalar qanday tushib qolgani haqida hozircha aniq ma`lumot yo`q. Shifokorlar 11 oylik chaqaloq hech qachon buncha ko`p metallni yutib yuborolmasligi, qizilo`ngach va oshqozonda hech qanday jarohat alomati yo`qligini qayd etishdi.
Azizbekning onasi Shohsanam Boltaboeva va otasi Azimjon Xudoyberdiev farzandining sog`-omon bag`riga bosish baxti nasib etganidan benihoya mamnun.
– Azizbek tilab-tilab olgan yakkayu yolg`iz zurriyotimiz, turmush qurganimizdan keyin oradan qariyb besh yil o`tib farzandli bo`lgan edik, – deydi Shohsanam Boltaboeva. – Shukrki, uni yana sog`-omon bag`rimga bosishga musharraf bo`ldim. Buning uchun shifokorlardan benihoya mamnunman. Ular ikki oy mobaynida bolamning hayoti uchun hech narsani ayashmadi. Ularning yaxshiliklarini hech qachon unutmayman.
Manba: Darakchi.uz
Bu haqda chorshanba kuni Sog`liqni saqlash vazirligi Axborot xizmati rahbari Furqat Sanaev O`zAga ma`lum qildi.
Ma`lum qilinishicha, Azizbekning onasi farzandining bezovtaligi, injiqligidan xavotirga tushib o`zi yashayotgan hududdagi tibbiyot muassasasiga murojaat qilgan. Dastlabki tekshiruvlarda uning tomog`i shishgani, isitmasi borligi tufayli shamollash tashxisi qo`yilgan. Biroq bolaning ahvoli o`nglanavermagach, unda rentgen tekshiruvi o`tkazilgan va tanasida igna borligi ma`lum bo`lgan. Bola va uning onasi zudlik bilan Respublika shoshilinch tibbiy yordam ilmiy markaziga keltirildi. Joriy yilning 17 yanvar kuni operasiya qilindi. 9 soat davom etgan operasiyada 10 ga yaqin shifokorlar ishtirok etdi va bolaning tanasidan 13 ta igna chiqarib olindi.
– Ignalar bola tanasida turlicha joylashgan edi, – deydi Respublika shoshilinch tibbiy yordam ilmiy markazi bolalar xirurgiyasi bo`limi shifokori Doniyor Asadullaev. — Chaqaloqning yo`g`on ichagi, siydik qopi, ko`krak qafasi, bo`yin qismi, umurtqa pog`onasi, yurak ostidan topilgan ignalar bolani ikki oycha qiynagan. Bu operasiya tibbiyotda kamdan-kam uchraydigan og`ir va nozik amaliyotdir. Bola operasiyadan keyin bir necha kun koma holatini boshidan kechirdi. Shifokorlar uning hayotini asrash uchun bor imkoniyatni ishga soldi. Shunday murakkab sharoitda bemor hayotining asrab qolinishi tibbiyotimizning o`ziga xos salohiyatidan dalolat, desak mubolag`a bo`lmaydi. Ayni paytda, bola vujudida 3 ta igna uning hayotiga xavf solmaydigan joylarda turibdi. Tibbiy tahlillarga ko`ra, hozircha ushbu ignalarning bola sog`lig`iga salbiy ta`siri mavjud emas. Agar u bolani bezovta qilsa, kelgusida operasiya yo`li bilan olib tashlash mumkin. Azizbek uyiga qaytgach, hududiy shifokorlar nazorati ostida bo`ladi.
Bola tanasiga ignalar qanday tushib qolgani haqida hozircha aniq ma`lumot yo`q. Shifokorlar 11 oylik chaqaloq hech qachon buncha ko`p metallni yutib yuborolmasligi, qizilo`ngach va oshqozonda hech qanday jarohat alomati yo`qligini qayd etishdi.
Azizbekning onasi Shohsanam Boltaboeva va otasi Azimjon Xudoyberdiev farzandining sog`-omon bag`riga bosish baxti nasib etganidan benihoya mamnun.
– Azizbek tilab-tilab olgan yakkayu yolg`iz zurriyotimiz, turmush qurganimizdan keyin oradan qariyb besh yil o`tib farzandli bo`lgan edik, – deydi Shohsanam Boltaboeva. – Shukrki, uni yana sog`-omon bag`rimga bosishga musharraf bo`ldim. Buning uchun shifokorlardan benihoya mamnunman. Ular ikki oy mobaynida bolamning hayoti uchun hech narsani ayashmadi. Ularning yaxshiliklarini hech qachon unutmayman.
Manba: Darakchi.uz
