UzCard qisman ishlay boshladi

UzCard to`lov tizimidagi texnik nosozliklar bartaraf etildi, tizim qisman ishlay boshladi, deb xabar qilmoqda mahalliy kompaniya matbuot xizmati.

“Uzcard tizimida kuzatilgan texnik nosozliklar bartaraf etildi. Hozirda tizimni aksivasiyalash jarayoni amalga oshirilmoqda. Kelib chiqqan noqulayliklar uchun uzrimizni so`raymiz”, - deyilgan xabarda.

Shuningdek, ayni damda bank kartalari egalarining mobil ilovalarida hisob raqamlaridagi mablag`lar summasi to`g`ri aks eta boshlagan, lekin hozircha to`lovlar amalga oshirishning iloji yo`q.
Manba: Darakchi.uz