Ko'rganlarim

Onalar bolam desa
Bolasi bolam derkan.
Onasin o'ylamaslar
Farzandin g'amin yerkan.

Shunday o'tarkan hayot
Suv ham oqarkan soyga.
Kambag'al qolib chetda
Boy ham boqarkan boyga.

Ota yumush buyursa
Qovog'in uyganlar bor.
Yori buyum so'rasa
Beminnat qilar tayyor.

Yig'lab tursa farzandi
Eng yaxshi taom yerkan.
Ota-ona yig'lasa
Qarilik qursin derkan.

Xonasida telvizor
So'nggi rusum ishlaydi.
Ota-ona burchakda
Qotgan nonni tishlaydi.

Shundaylar bor ranjiman
Oramizda yuradi.
Yana juma kunlari
Masjidga yuguradi.

Ish-yumushdan ortmaydi
Ota-ona ortiqcha.
Nasixatin olmaydi
Xatto biror tariqcha.

Ota-ona besh farzand
Boqa olar beminnat.
Shu farzandlar bir ona
Boqolmas qilib toqat.

Ko'zingni och odamzot
Ota-onang keksaydi.
So'ragin nima kerak
Ko'ngli neni tusaydi.

Bolaliging chog'ingda
Yig'lab tursang yupatgan.
O'zi qotgan nonni yeb
Senga kastyum-shim olgan.

Onalar bolam desa
Bolasi bolam derkan.
Bolalar asfalt yo'lda
Onalar bosar tikan.

Suv ham oqarkan soyga
O'yla oxirating ham.
Boramiz bitta joyga
Boy,kambag'al bo'lsak ham.

Muallif:Mirxalilova Shaxnoza..