Onajonimga maktub (tilaklardan namunalar)

Assalomu aleykum onajon! Mening jonkuyar mehribonim, o’zidan ko’ra farzandlarini o’ylaydigan mehribonim. Menga yurishni, turishni, gapirishni, hayotning oq-u qorasini o’rgatgan buyuk muallimim. Mening haqiqiy do’stim, chin yurakdan qayg’uradigan jannatim. Bugun sizga qalbimdagi oldin aytolmagan gaplarimni aytmoqchiman. Onajon sizni juda yaxshi ko’raman, siz borsiz hayotim nurli, siz borsiz qalbim hotirjam, siz borsiz men haliham bolaman. Onajon siz meni jannatimsiz, sabr gulimsiz, ko’zlarimni nurisiz. Sizga qancha ta’rif bersam ham vasfingizga yetolmayman. Bizga bergan mehringiz, chiroyli tarbiyangiz va hayotni o’rgatganingiz uchun sizdan cheksiz minnatdorman. Sizni yaxshi ko’raman, juda juda yaxshi ko’raman.
Bilib bilmay qilgan xatolarim va dilingizni noo’rin og’ritganim uchun meni kechiring onajon, siz men uchun nimaiki qilgan bo’lsangiz, faqat yaxshilik uchun qilgansiz, buning uchun sizdan minnatdorman.
Sizga dunyodagi eng ezgu niyatlarni tilayman. Ilohim hamisha baxt hamrohingiz bo’lsin, yuzingizdan tabassum arimasin, ko’z yosh to’ksangiz ham u faqat quvonch ko’z yoshlari bo’lsin. Bizni rohatimizni ko’rib yuring, bizning sevimli onajonimiz, nabira va abiralarning mehribon buvijonisi bo’lib yurish nasib etsin.
Haj safarlariga borish va hoji ona bo’lish nasibu ro’za aylasin.