Ota-Ona (2020)

Чиройли ҳаётни тухфа айлаган.
Фарзандларин шохдек юксак сайлаган.
Ўзини унутиб бизни ўйлаган.
Отамни, онамни асрагин Оллоҳ.

Хаётда гохи пайт чекиб захматни.
Сабр ва шукурда қилган меҳнатни.
Сира айтмадилар бирор миннатни.
Отамни, онамни асрагин Оллоҳ.

Жонини фидолар қилиб яшайди.
Бахтни қучиб, ғамни ортга ташлайди.
Бири қуёш, бири ойга ўхшайди.
Отамни, онамни асрагин Оллоҳ.

Хизматида бўлай, дунё тургунча.
Ёшим улғайибди, қадрин билгунча.
Мен хали уларни рози қилгунча.
Отамни, онамни асрагин Оллоҳ.

Дилобар Уролова ижодидан.