Otangdan uyalib qoldingmi

Сени деб эрта - кеч тиним билмади,
Неча йўқчиликлар бағрин тилмади,
Бир бурда нонни ҳам миннат қилмади,
Сени деб орттириб олганида дард,
Отангдан уялиб қолдингми номард.

Сени деб орзусин суриб бир ёнга,
Сени деб ботдику , ғиж - ғиж армонга,
Суяниб қолдику дори , дармонга,
Сени деб орттириб олганида дард ,
Отангдан уялиб қолдингми номард.

Қайтар дунёни ҳам бир бор ўйлагин,
Ҳар битта гапингни ўйлаб сўйлагин,
Оринга тегдими , эски кўйлаги,
Сени деб орттириб олганида дард,
Отангдан уялиб қолдингми номард.

Ёш пайтинг , бир кулгинг қалбин ёритган,
Ўша кўйлагига сўлагинг артган,
Сенинг орзуларинг умрин қаритган,
Сени деб орттириб олганида дард,
Отангдан уялиб қолдингми номард.