O'zingsiz

Kunduzimda kulib turgan quyoshim siz,
Kechalarim yoritgan oy o‘zingizsiz.
Bu olamda eng yaqinim sirdoshim siz,
Yurakkinam talpingan joy o‘zingizsiz.

Xarsang kabi qalbim zumda bog‘ aylagan,
Qor yog‘guvchi qabog‘imni chog‘ aylagan,
Tabassumla kayfiyatim tog‘ aylagan,
Ishq dardiga shifokorim o‘zingizsiz.

Af etasiz bersam xam ko‘p sizga ozor,
Kamdir sizga jonim qurbon qilay ming bor.
Ko‘z yoshlarim tiyolmasdan bitdim ash’or,
Menga cheksiz mexribonim o‘zingizsiz.

Menga mendan ko‘ra ko‘proq keragimsiz,
Orzu qilsam eng chiroyli tilagimsiz.
Nafasimsiz, urayotgan yuragimsiz,
Allox uchun suygan yorim o‘zingizsiz.

Sajdaga boshimni qo‘yganim zamon,
Duolarimdasiz shaksiz begumon.
Baxtimga xamisha bo‘ling siz omon,
Xamdlar aytib qilgan shukrim o‘zingizsiz.

Abdumutalib Ergashaliyev