Oshiqman

Oqshomda yulduzlar sochganda chiroy,
Ko'nglimni torini uzar bir xirgoy.
Yulduzlar vasliga bo'lsamda shaydo,
Men uchun yagona o'sha to'lin oy.

Sokin tun jilosi dilga hush yoqar,
Olisdan yashirin siymosi boqar.
G'oyibon nidosi chorlasa ahyon,
Tuyg'ular bo'ysinmay bag'riga shoshar.

Oshyoniga ko'z tikkan oshiqlar bisyor,
Og'ushiga talpina dardga giriftor.
Muxabbat sayriga kimlar-a oshufta,
Anga oshiqlar ichra mana men sardor.

Oyjamol ishqida majnunman majnun.
Oromin o'g'irlagan xazoni mag'zun.
Mayliga ayroman lutfidan mahrum,
Lek qalbim tug'yonin eshtadi bir kun.

Yusupova Zulfiya.