Qolmadi dilimda zarracha koyish

Qolmadi dilimda zarracha koyish,
Sen sabab yuragim topdi oroyish.
Ilhom kerak bo‘lmay qoldi hattoki
Hayotimda o‘zing bo‘lgach namoyish.

Go‘yo ishq yurtidan kelgan daraksan,
Kutganim, ijobat bo‘lgan tilaksan.
Umrim azoblarda o‘tsa roziman,
Menga dunyo emas, o‘zing keraksan.

Baxtimdan samoda uchib yuribman,
Goh o‘z hayolimdan cho‘chib yuribman.
Atirguldek go‘zal muhabbatingni
Tikonlari bilan quchib yuribman.

Bitganim bayt emas yuragim qoni,
Sensan yuragimning mangu sultoni.
Telba shaydoingni shu bir tilagi,
Rozidir qo‘lingda uzilsa joni.

SHAHNOZA RO‘ZIYEVA