Sensizlik

Bu yil kuzim o'tmoqda sensiz
Balkim qish ham shunday o'tadi
Sensiz bahor menga begona
Yoz ham sensiz qishdek o'tadi.

To'zg'ib yotgan xazonli bog'lar
Dardim senga so'zlaydi bilsang.
Yana qayta tug'ilardim men
Sevaman Deb yonimga kelsang.

Xomush yellar zarbasi og"ir
Sensizlikdan jonim og'riydi.
Qani Mendek yana sevolsang
Sevib qolsang Yana qaniydi.

Ko'zimda yosh oqar shashqator
Ko'zim kular,yurak yig'laydi.
Qizg'onaman balki men chindan
O'zgasiga bergim kelmaydi.

Sarson bo'lgan hislarim haqqi
Yuragimni qaytarib bergin.
O'zing bilan nafratni emas
Chin sevgini sen olib kelgin.

Toqatimni sinama aslo
Sog'inchlarda kuyib-yonaman.
Bilsang sensiz keraksiz hasdek
Yo tuproqdek yerda yotaman.

Orzularim osmoni o'zing
Qaytar bo'lsang baxtdan kuylayman
Yana otash muhabbatmni
Qulog'ingga shivir so'zlayman.

Bu yil kuzim o'tmoqda sensiz
Balki qish ham shunday o'tadi.
Sensiz bahor menga begona
Yoz ham sensiz qishdek o'tadi.

Muallif:Mirxalilova Shaxnoza