Sevdim deding ishondim

Севдим дединг - ишондим,
Сўзларингга кўндирдинг.
Нигоҳингда эритиб,
Оловмисол ёндирдинг.
Қўлларимдан тутиб сен
Олиб чиқиб осмонга
Қўйиб юбординг аста
Юрагимни синдирдинг.

Севдим дединг - бағримни
Пуч ёнғоққа тўлдирдинг
Очилмаган ғунчани
Узуб олиб сўлдирдинг.
Қувончларим бир олам
Дунёларга сиғмасдим
Эзиб, буғиб, бурдалаб
Орзуларим ўлдирдинг.

Севдим дединг - қалбимни
Ўзинг билан қолдирдинг
Қайтиб берар деб кутиб
Кўзларимни толдирдинг
Нафрат билан севгини
Юрагимга жойлаб сен
Тикиб қўйдинг устидан
Ўз ўзимдан тондирдинг.

Севдим дединг - ишондим
Ўзгинангга оғдирдинг.
Ўз севгимни ўзимга
Аямасдан бўғдирдинг
Тан олмай аҳдларимиз
Қолдириб аро йўлда
Бошгинамга турли хил
Балоларни ёғдирдинг

Севдим дединг - ишондим
Армонларга едирдинг ....

ДИЛДОРА АБДИНАЗАРОВА