Sevib qoldim

Sochingizni yoyib olib,
Ko'cha kuyda yuribsizda.
Nima bo'ldi sizga desam,
O'n sakkizga to'libsizda.

Yurak yutib gaplar otsam,
Shirin nozlar qilibsizda.
Shaxloginam endi bilsam,
O'n sakkizga to'libsizda.

Bir bor tinglang yurak zorim,
Men dunyoga sig'may qoldim.
Bir ko'rishda sizni yorim,
Sevib qoldim, sevib qoldim.

Ko'nglingizni qanday olay,
Nazar qilmay yuribsizda.
Menday majnun qaydan bilsin,
O'n sakkizga to'libsizda.

Ko'zgu tushmas qo'lingizdan,
Oydan go'zal bo'libsizda.
Nur yog'ilar yuzingizdan,
O'n sakkizga to'libsizda.

Bir bor tinglang yurak zorim
Men dunyoga sigmay qoldim
Bir ko'rishda sizni yorim,
Sevib qoldim, sevib qoldim.

MUALLIF: QODIR QAXXOR