Yana meni qiynagani keldingmi?

Sevganimda sevmaganding eslab ko'r,
Kech boʻlganda endi qadrim bildingmi?
Yolgʻon qoʻshmay so'zla menga rostini,
Yana meni qiynagani keldingmi?
Yo baxt bilan siylagani keldingmi?

Koʻz yoshlaring endi o'zing artib ol,
Sen ham menday azoblanib yondingmi?
Ketaqolgin oʻzi nima maqsading?
Yana meni qiynagani keldingmi?
Yo baxt bilan siylagani keldingmi?

Kechiring deb yuragimni qiynama,
Bu yuragim hastaligin sezdingmi?
Nega mayus boqib qarab turibsan,
Yana meni qiynagani keldingmi?
Yo baxt bilan siylagani keldingmi?

Sen ketganding bir soʻz demay jimgina,
Yuragimga sanchib go'yo bir igna,
Sen kelding deb qilaymi yo tantana,
Yana meni qiynagani keldingmi?
Yo baxt bilan siylagani keldingmi?

Rosti ko'nglim hamon seni qoʻmsaydi,
Senla oʻtgan oʻtmish unut bo'lsaydi,
Dili kuygan Qodir takror soʻraydi,
Yana meni qiynagani keldingmi?
Yo baxt bilan siylagani keldingmi?

MUALLIF: QODIR QAXXOR