19 Noyabr xalqaro erkaklar bayrami tabrik

Ro‘zg‘or kamin yopmoqlik uchun,
Yuguradi, yeladi erkak.
Topganini uyiga tashib,
To‘lib, toshib keladi erkak.

Sovuq o‘tsa suyagigacha,
Chidab, ishlab xo‘rsinar erkak.
Uyga kelib, olovga emas,
Mehringizga isinar erkak.

Bu hayotdan goh tanbeh olib,
Zahrin ichga yutadi erkak.
Ko‘p narsamas, ayoldan faqat,
Bir shirin so‘z kutadi erkak.

Bomdodlarda "g‘aflat bosma" deb,
O‘yg‘otguvchi azondir erkak.
Har bir ishga yechim topolgan,
Adolatli meьzondir erkak.

Tog‘ni talqon qilishga qodir,
Ishq o‘tidan mast bo‘lsa erkak.
Yulduzlardan marjon taqadi,
Muhabbati rost bo‘lsa erkak.

Vatan, nomus, oru-shaьnimiz,
Qo‘riqlovchi g‘ururdir erkak.
Tinchlik borki, sig‘ar ko‘ngilga,
Xursandchilik, sururdir erkak.

"Mehringizdan kuch olamiz" deb,
Ayollarga uqtirar erkak.
Bir shirin so‘z, sevgingiz uchun,
Dunyoni tiz cho‘ktirar erkak.

Gul ayollar! Qancha bo‘lsa ham,
Hurmatlashga loyiqdir erkak.
Xayot bergan eng katta tuhfa,
Katta sovg‘a - tortiqdir erkak.

DILDORA ABDINAZAROVA