Ko'ngil iqrori

Дард жисмимни эгди ногоҳ кўзда нам,
Бир бора оҳ чекибдурман тунги дам.
Тунни бедор ўтказибди волидам,
Нажот боғим эркан онам, билдим мен.

Бузрукворим манглайидан қалқиб тер,
Кетмас бир зум атрофимдан, бағрин ер:
"Дардинг менга ўтса, кошки, ўғлим," - дер,
Суянч тоғим эркан отам, билдим мен.

Жигаргинам, дилда дарди - бир денгиз,
Дейди: "Ака, не истайди, кўнглингиз?!
Кўз тегдими, сизга бироз, айтингиз?!"
Чин ўртоғим эркан укам, билдим мен.

Ёри-жоним - бошим узра парвона,
Томчи ёшин дарди сиғмас осмона,
Мен оҳ чексам, фарёд чеккан жонона,
Бахт сўқмоғим эркан ёрим, билдим мен.

Муаллиф: Ҳамид Насруллоев