Singlim Gulbahorga

Синглим Гулбаҳорга.

Биламан мен армон бордир дилингизда,
Биламан мен ҳасрат бордир тилингизда,
Беғуборлик порлаб турар кўзингизда,
Сизни бир бор тушунмаган акангизман.
Т
ергаб сизни кўнгилингазга оғир ботсам,
Йигитлардан мен қизғониб пойлаб ётсам,
Мен тупори қалбингизга тошлар отсам,
Кўнглингизни билолмаган акангизман.

Сочларнигиз қирқманг сира, сингилжоним,
Таранг шимлар кийманг сира, сингилжоним,
Сиз ҳаёдан кечманг сира, сингилжоним,
Мен номуссиз яшолмаган акангизман.

Сизни оқшом пойлаб чиқсам хафа бўлманг,
Дағал-дағал гапларимдан зада бўлманг,
Кўча бошда биров билан ёлғиз турманг,
Гап сўзларга чидолмаган акангизман.

Кўзингизда ёшлар кўрсам бағрим ёнар,
Ҳуснингиздан ғурурланиб дил қўвонар,
Сирларимни фош қилсангиз тилим тонар,
Жанжал қилмай яшолмаган акангизман.

Арз қиласиз отамга сиз акам ёмон,
Арз қиласиз онамга сиз акам ёмон,
Менинг эса юрагимда битта армон,
Сизга яхши бўлолмаган акангизман.

Дардингизни мен олайин, сингилжоним,
Ғамингизни мен олайин, сингилжоним,
Жон десангиз жон берайин, сингилжоним,
Қалбингизни билолмаган акангизман