Sizda qolsin

Achinaman yolgʻizlarga,
Har bandani yori boʻlsin.
"Meni oting dengizlarga,
Yolgʻon dunyo, sizda qolsin!"

Yolgʻizlarning yori hudo,
Chin muhabbat nasib qilsin.
Barchasidan keching ammo,
Hurmat, vafo, sizda qolsin!

Bir kun yutar qora tuproq,
Shu kunlar ham yodda boʻlsin.
Dunyolardan keching biroq,
Iymon, taqvo , sizda qolsin!

Bu dunyoning yoʻllari koʻp,
Tangrim toʻgʻri yoʻlga solsin,
Imon sotgan qullari koʻp,
Sotmang, savdo sizda qolsin!

Har bandani Robbim Alloh,
Jannatiga qabul qilsin.
Mayli bilmay qiling gunoh!
Lekin tavbo sizda qolsin!

Mayli qoʻying hasadgoʻylar,
Oʻzi yoqqan oʻtda yonsin.
Mehribonlar duogoʻylar,
Siz-la qolsin, sizda qolsin!

Niyatim shu azizlarga,
Chin insonlik dilda boʻlsin!
" Oting meni dengizlarga,
Yolgʻon dunyo, sizda qolsin!"

Mumtozbegim