Sog'inch

Ҳаёт қозонида,қоврилиб,жоним,
Ўтиб бораётир,умрим ,карвоним,
Болалик чоғлари,ширин армоним,
Ўтмиш оловида,совурди борим!
Қайтиб келмас энди у гўзал оним,
Болалигим,сени жуда соғиндим.!

Беғубор,беташвиш шўх-шодон кунлар,
Ғамнинг кўчасига ўт қўйди тунлар
Шовқиндан кўтардик фиғону- хунлар,
Осмонни тўлдириб,чиқди тутунлар.
Олов каби ёнган шиддатли оним,
Подшолигим сени ёмон соғиндим.

Онам ёпган ноннинг иси кетмайди
Дунёда ҳеч бир ҳид,унга етмайди.
Ҳамон ўша соғинч ҳисси кетмайди,
Кетсада юракда изи битмайди .
Энди менга армон,ўтган ҳар оним.
Болалигим сени ҳамон соғиндим!

Феруза ўзинг ҳам,онасан бугун,
Қолмасин,дилингда қора бир тугун,
Болангда,ўтмишинг кўряпсан шу кун.
Шукур қил Аллоҳим тухфаси учун!
Ҳамон менга армон ўтган ул оним,
Болалигим сени яна соғиндим.

Феруза Абдусаматова.