Suyangan tog'im mehribonim dadajon

Tug'ulgan paytimda quvonib ketgan
Xasta bo'lgan vaqtimda alamlar yutgan
Dunyoga kelishim intizor kutgan
Suyangan tog'im mehribonim dadajon

Yonimda tursa bas dushman kelolmas
Yonimda yursa bas yov ham yo'lolmas
Qiblagohim mehribonim dadajon
Dunyodagi ishonganim dadajon

Har doim baxtimni ko'zlagan
Yaxshilik haqida so'zlagan
Duvo qilsa hatto tog'lar qulagan
Madadkorim duvogo'yim dadajon

Menga dard kelsa ko'kragin kerar
Agar kerak bo'lsa jonini berar
Mendan faqatgina mehrni so'rar
Suyanganim ishonganim dadajon

Mashrabbek Rakhimjonov