Uylantiring xop dada

O’t ko’rinib ko’zimga,
Ko’chamdagi sanamlar.
Esga tushar uylanish,
Ko’zin suzsa go’zallar.

Gap otganda sho’x qizlar,
Yurak to’la hayajon.
Bir qiz yurakdan urdi,
Sizga aytsam dadajon.

Kaming ne deb so’raysiz,
Kamchiliklar ko’p dada.
Boydoqlik jonga tegdi,
Uylantiring xop dada.

Aytsam yurak dardimni,
Boydoqlarga dunyo tor.
Sevganim olib bering,
Ko’nglimga bermay ozor.

O’ylab Zaxro yulduzim,
Dilda sog’inch bir jaxon.
Unga yetmoq orzuyim,
Sizga aytsam dadajon.

Kaming ne deb so’raysiz,
Kamchiliklar ko’p dada.
Boydoqlik jonga tegdi,
Uylantiring xop dada.

Muallif: Qodir Qaxxor