Yoshlikka to'ymagan dil

Soatlar millari to'xtamay yurib,
Orzuni so'ndirar o'tgan vaqt aro.
Yoshlikning lazzatin yillar ayirib,
Manzillar qurshoviga etar ro'baro.

O'ttizmi, qirqmi ulg'aysa yoshlar,
Ko'ngillar bahori qarimas aslo.
Umrni kemirar essiz tashvishlar,
Xolbuki laxzasi oltindan a'lo.

Diydorini sog'inib yashaymiz nachor,
Faqat bir xotira dillarga malxam,
Bag'riga qaytmoqlik istagi bekor,
Xayollar uchquni elitsa xar dam.

Qirlarda qolarkan alvon lolalar,
Quchoqqa to'lmayin kutib qovjirar.
Yoshlikni tuymagan sarson nolalar,
Kimlarning vujudini tig'lab titratar.

Yusupova Zulfiya.