Homiladorlikning 3-trimestri (28-42 haftalar)

Homila razmerlari tezlik bilan ko'payadigan davr. Uchinchi trimestr mobaynida homila o'rtacha 3.2-3.5 kg og'irlikda bo'lib, bo'yi o'rtacha 48-52 smga teng bo'ladi. Homiladorlikning 7 oyi ham yetib keldi. Ko'pchilik ayollar shu muddatga kelib yana oz qolganidan yengil tortadilar. Homiladorlikning ushbu muddatida bachadon razmerlari ancha kattalashgan bo'ladi. Homila harakatlari ko'payadi va kuchayadi. Endi tug'luqlar namoyon bo'lishi ham mumkin. Agar ular regulyar bo'lsa yoki 1 soatni ichida kamida 2 marta qaytarilsa, u holda tezda vrachga murojaat qilish shart. Uchinchi trimestrda bachadon siydik pufagini siqishi tufayli homilador ayol tez-tez hojatga chiqishi kuzatiladi. Vazni ko'paygan homilador ayollarda ko'p yurganda yoki harakat qilganda nafas olishi qiyinlashishi namoyon bo'lishi mumkin. Buning sababi kattalashgan bachadon o'pkani ham bir oz siqayotganidadir. Shuning uchun toza havoda ko'p bo'lish lozim, onaga ham homilaga ham kislorod juda kerak bo'ladi. Lekin homiladorlikning oxirgi haftalariga kelib homila pastroq siljiydi va nafas olish, harakat qilish osonlashadi. Shuning uchun ko'pchilik homilador ayollar 9- oyga kelib o'zini yengil bo'lib qolgandek sezadi. Ayrim ayollarda Brekston-Xiks tug'luqlari (bachadon mushaklarining 30 soniyadan 2 daqiqaga qadar qisqarib turishi) paydo bo'lishi mumkin. Bu tug'luqlar normal bo'lib, bachadon tug'ish jarayoniga tayyorlanayotganidan dalolatt beradi. Bu tug'luqlar haqiqiy tug'luqlardan noregulyarligi, og'riq keltirmasligi va qisqa muddatliligi bilan farq qiladi. Uyqusizlik ham uchinchi trimestrda namoyon bo'ladigan holat. Bunga sabab homilador ayolning kattalashgan qorni tufayli yotganda qulay holatni topa olmasligidir. Uyqusizlik shundoq ham ko'p charchayotgan homilador ayolni juda qiynaydi. Shuning uchun bo'lajak onaga qulay bo'lish maqsadida uning yon tomonlarini, belini, qolaversa oyoqlarini suyantirish uchun yostiqlar bilan qoplab qo'yish lozim. parvona.com saytidan olingan. Undan tashqari uyqudan yarim soat oldin 1 piyola iliq sut ichib olish ham uyquga osonroq ketishga yordam beradi. Ko'pincha homiladorlikning oxirgi oylarida bel og'rishi, oyoq tomirlari chiqishi, oyoq shishi kuzatiladi. Bu qiyinchiliklar haqida vrachga aytish lozim. Homiladorlikning ushbu muddatida havf tug'diradigan asosiy muammollar quyidagilardan iborat: 1. Qon ketishi. Agar qon ketishi kuzatilsa, darhol vrachga murojaat qilish lozim. Ultra tovushli diagnostika (UTD) orqali qon ketish sababi aniqlanadi va kerak bo'lsa muolajalar qilinadi. Qon ketishning 90% holatlarida yoldoshning bachadondan ajralishi bunga sabab bo'ladi. Shuning uchun homilaga, qolaversa onaga ziyon yetmasligi hamda homiladorlikni 36 haftagacha yetqazish uchun o'z vaqtida muolaja qabul qilish kerak. 2. Homila harakatining yo'qligi. Agar homilaning harakatlari kuzatilmay qolgan bo'lsa, bu juda jiddiy holatdir. Darhol vrachga murojaat qilib buning sababini aniqlash kerak. Homilaning harakat qilmay qolishi ko'pincha kislorod ta'minlanishi to'xtab qolgani (masalan, kindigiga o'ralib qolgani)dan vujudga kelishi mumkin. O'z vaqtida vrachga murojat qilinsa, kesarevo operatsiyasi yordamida bolani ziyonsiz tug'dirib olish imkoniyati bor. 3. Muddatdan oldin tug'ish. O'ttiz besh haftagacha bo'lgan tug'ruq muddatidan oldin tug'ruq deb hisoblanadi. Muddatidan oldin tug'ruq sabablari ko'p bo'lib, ularni oldini olish uchun sog'liqqa e'tiborli bo'lish lozim. Ko'pincha uning sababi infeksiya, gipertoniya, bachadon va bachadon bo'yni shaklidagi anomaliyalar bo'lishi mumkin. Ammo muddatidan oldin tug'ruqning barcha sabablari hozirgacha aniqlangan emas. Bugungi kunda tibbiyot va texnologiyani rivojlanishi tufayli muddatidan oldin tug'ilgan bolalarni umrini saqlab qolish mumkin bo'lmoqda. 4. Homilaning tozi bilan joylanishi. Ayrim sabablarga ko'ra homila chiqish yo'liga boshi bilan emas tozi bilan qarab joylashgan bo'ladi. Bu holda normal tug'ish homilaga ziyon keltirishi mumkinligi tufayli kesarevo operatsiya qilinadi. Agar homila tozi bilan joylashgani UTDda aniqlangan bo'lsa, vrach bilan maslahatlashgan holda maxsus jismoniy mashg'ulotlarni amalga oshirib homilani boshi bilan chiqish yo'liga qaratib olish imkoniyati mavjud. Undan tashqari, yana bir kichik yordam, klassik musiqani playerda normal balandlikda qo'yib eshitgichlarni qorin pasti (bachadon pastki qismi)ga o'rnatib eshitib yurilsa, homila boshi bilan pastga musiqani eshitish maqsadida ag'darilib olish imkoniyati bor. Yana bir maslahat, har kuni onaning o'zi homilasi bilan suhbatlashib uni boshi bilan ag'darilib olishini iltimos qilishi kerak. Psixologik jihatdan ushbu mashg'ulot ham yuqorida ta'kidlangan muammoni hal qilishi mumkin. Eng asosiysi, 3-trimestr bu ayolni ona bo'lishiga olib keluvchi ohirgi qadamdir. Yana bir ozdan so'ng homilador ayol dunyodagi end baxtiyor ona bo'ladi. manba: Uzbaby.uz