Yozning issiq kunlarida homiladorlik muammolari

Homilador ayolning tashqi haroratga jismoniy munosabati oddiy ayolnikidan farq qiladi. Yozning jazirama issig'ini homilador ayolga kechirish ba'zida qiyinchiliklar tug'dirishi mumkin. Quyidagi maslahatlar homilador ayolga issiqlikni osonroq kechirishga yordam beradi: 1. Ko'proq suyuqlik iching. Bunda nafaqat oddiy suv balki elektrolidlik maxsus suyuqliklar ham as qotadi. 2. Faqat tabiiy matolardan tayyorlangan kiyimda yuring. Paralonlik byustgalter va to'rlik ichki kiyimlar issiq kunda faqat salbiy ta'sir ko'rsatadi, xolos. 3. Quyosh nurlaridan nari bo'ling. Homilador ayollar teri quyosh nurlariga yanada ta'sirchan bo'ladi. 4. Kunning issiq paytida tashqariga chiqmaganlik ma'qul. 5. Issiq kunda homilador ayolga ko'roq dam olish tavsiya etiladi. Issiqlik organizmni holsizlantiradi, demakki homilani ko'tarish uchun kuch yig'ish talab etiladi. Oyoqlarni ko'taribroq kunida kamida 2 soat dam olish maqsadga muvofiq bo'ladi. 6. Kechki payt salqin tushganida albatta tashqarida sayr qilib keling. Yozda ham toza havoda homilador ayol uchun muhim bo'lgan kislorodga ehtiyoj katta. 7. Ich keltiradigan dori vositalarini qabul qilmang. Bunday vositalar organizm suvsizlanishini kuchaytirib yuboradi. 8. Kunida kamida 1 marta salqin dushda chayinib chiqing. 9. Doim yoningizda 200 gram ichimlik suvini olib yuring va tez-tez ichib turing. 10. Jismoniy kuch talab etadigan ish faoliyatidan yoz kunlari voz keching. Uy ko'tarish, o'gir ish, oshxonada bo'lishni uzoq vaqt talab etadigan faoliyatlarni issiq kunda amalga oshirmang. Manba: Uzbaby.uz