Tuqqandan so'ng bavosil (gemorroy)

Ko'pchilik ayollarda homiladorlik va undan so'ng bavosil(gemorroy) yuzaga keladi. Ba'zilarda bu holat bir necha kundan so'ng o'zi o'tib ketsa, ba'zilarda oylab ayolga salbiy ta'sirini ko'rsatib keladi. Bavosil(gemorroy) nima degani? Bavosil deb, varikoz tomirlarning keskin shishiga aytiladi. Bavosil shakli va kattaligi turlicha bo'ladi. U qichish, og'riq, ba'zida anusdan qon ketishini bilan namoyon bo'ladi. Ba'zida kattalashgan bavosil tashqariga chiqib ketadi, shunda uning mavjudligi orqa tomonda shish borligi hissi bilan namoyon bo'ladi. Homiladorlik payti va tug'ish dan so'ng bavosil (gemorroy) chiqishi keng tarqalgan holat. Agar homiladorlikdan oldin ayolda bavosil mavjud bo'lgan bo'lsa, homiladorlikda u ko'pincha qayta chiqadi va qo'ziydi. Nega bavosil(gemorroy) yuzaga keladi? Homiladorlik nafaqat katta ichak tomirlarini, balki oyoq va ba'zida jinsiy a'zolar tomirlarini ham shishiga olib keladi. Bunga asosiy sabab, homilador ayolning o'sayotgan bachadoni toz tomirlarini va o'ng tomonda joylashgan katta tomirni siqib qo'yishidadir. Natijada qorindan pastda joylashgan qon tomirlaridan qon qaytishi qiyinlashadi va shuning ta'sirida ular shishadi. Undan tashqari homiladorlik payti progesteron gormonining oshishi tomir devorlarini mayinlashishiga olib keladi. Bu esa o'z navbatida ularning oson shishiga sababchi bo'ladi. Aynan shu progesteron gormoni homilador ayolda ich qotishini ham keltiradi. Ich qotishi esa, o'z navbatida bavosilga sababchi bo'ladi. Tug'ish jarayonida bolani itarish payti ayolning kuchanishi ham bavosil(gemorroy) paydo bo'lishini keltiradi. Bavosil alomatlarini pasaytirish yo'llari qanday? 1. Shish chiqqan joyga (anus atrofiga) yumshoq matoga o'ralgan muzni kunda 2-3 marta qo'ying. Muz shishni kamaytiradi va noqulaylikni yengadi. 2. Kunda bir necha marta 10 daqiqa davomida orqani ivitib o'tiring. Issiqroq suvni tog'arachaga to'ldirib, unda 10 daqiqa davomida o'tirish shishni salbiy ta'sirini kamaytirishga yordam beradi. 3. Muz qo'yish va iliq suvda o'tirish moulajasini birin-ketin amalga oshirgan yanada samaraliroq bo'ladi. 4. Xojat chiqargandan so'ng, qog'ozdan foydalanmay, iliq suvda yuvinish maqsadga muvofiq bo'ladi. 5. Pastki tomirlarga zarbani kamaytiring. Uzoq vaqt mobaynida o'tirish, turish pastki tomirlarni zo'riqtiradi. Kunda bir necha bor oyoqlarni balandroqqa ko'tarib yoting. 6. Kuchli og'riq bolgan paytlar uchun shifkor bilan maslahatlashgan holda homila yoki yangi tu'gilgan chaqaloqqa salbiy ta'siri bo'lmagan biron dori-vositasidan foydalaning. Tuzalishni tezlashtirish yo'li bormi? Eng muhimi - ich qotib qolmaslikni ta'minlash zarur. Ko'proq meva va sabzavotlardan iste'mol qiling. Kuniga kamida 10 stakan suv iching. Kun davomida jismoniy mashg'ulot bajaring yoki harakatda bo'ling. Xojat chiqarish ehtiyoji paydo bo'lgan zahoti chiqaring. Kutmang va cho'zmang. Chunki vaqtida chiqarilmagan najas qotib, quruqlashib keyinchalik chiqishida katta ichak chiqish yo'llariga zarba beradi. Kegel mashg'ulotlarini har kuni bir necha bor bajaring. Bu mashg'ulotlar nafaqat jinsiy a'zolar uchun foydali, balki tuqqandan so'ng bo'shashib qolgan orqa mushaklarini ham kuchayishiga ijobiy ta'sir ko'rsatadi. Agar uy sharoitida qilayotgan muolajalarga qaramay , bavosil kuchayib borayotgan , og 'riq keskinlashgan va orqadan qon ketishi kuzatilayotgan bo 'lsa , u holda shifokorga murojaat qilish zarur Manba: Uzbaby.uz