​​BAXTLI HAYoT SARI 7 QADAM!

Tinch va osoyishta turmush tarziga ega bo`lish haqidagi ko`plab kitoblar muallifi bo`lgan yozuvchi Gretxen Rubin baxtli bo`lish sirlarini quyidagicha izohlaydi.

Atrofingizda yoqimli muhit bo`lsin!

Oilaviy suratlar faqat fototo`plamda turishi kerak, deb kim aytdi. O`zingiz uchun eng qadrli bo`lganlarini tanlab, jovonga, yaqinlaringiz yig`iladigan xonalarga qo`yib chiqing. Bir-biringizga bo`lgan mehr-oqibatingiz xonadoningizning har eridan taralib tursin.

Ajoyib taklif!

Kundalik tuting. Va unga bugun yodingizda qolgan eng yoqimli voqealarni yozing. Yagona sharti jumla faqat bitta gapdan tuzilishi kerak.

Minnatdorchilik bildirishni o`rganing!

Turmush tashvishlari bilan o`ralashib, kichik holatlarning qanchalik muhimligini unutib qo`yamiz. Birgina «rahmat!» degan so`zning o`ziyoq munosabatlaringizni qanchalik mustahkamlashini bilsangiz edi. Umr yo`ldoshingiz, farzandlaringiz, qaynona-qaynotangizdan ham minnatdor bo`lishni o`rganing. Va bu haqida o`zlariga aytib turing.

Do`stlardan uzoqlashmang!

Uy, ish, bolalar... Do`st-dugonalar bilan ko`rishmaslik uchun bahonalar etarli va istalgancha topiladi. Biroq vaqti-vaqti bilan dildan suhbatlashish uchun aynan ularning davrasida bo`lish zaruriyati ham paydo bo`ladi-da. Qolaversa, boshqalarning hayotini ko`rib, dunyoqarashingiz ham kengayadi.

Foto: vstrecha s druzyami

Atigi bir soat...

«Ertaga bajaraman» deya amalga oshmay qolgan ishlardan ko`pi yo`q. Xo`sh, bu qachongacha davom etadi?! Tavsiyamiz, bir kunda atigi bir soatni bajarilishi kerak bo`lgan ishlarga bag`ishlang. Ro`yxat tuzib, reja qilgan ishlaringizni yozib qo`ying. Va har kuni bir soatingizni ularga ajratishni odat qiling.

Rejali bo`ling!

Bugun qilinishi kerak bo`lgan ishlarni yon daftarga yozib chiqing. hatto, dam olish kunlari uchun ham shu tariqa reja tuzishingiz mumkin. Bolalar bilan sayr qilish, kino, muzey yoki kutubxona. Ana shunda hayotingiz asta-sekinlik bilan iziga tushadi.

Stop!

Biror kim bilan arazlashib qolsangiz, kundan-kunga kortizol va adrenalin gormonlarining miqdori ortib, stress holatiga tushib qolasiz. Ammo buning oldini olish mumkin. Barcha tashvishlarni unutish uchun bir kun uyali aloqa vositasini o`chirib qo`ying, internetga kirmang, tashqi olamdan butkul uzoqlashing. Bir kun ming kun emas. Uddalaysiz. Foydasi esa asabingiz tinchlangani bo`ladi.
Manba: Darakchi.uz