BIOTATUAJ. ENDI UY ShAROITIDA!

Xonimlar «non stop» rejimida go`zal bo`lishni istaysizmi? Ayniqsa, ertalabki 15 daqiqani hamda xush kayfiyatni saqlab qolishnichi? Endi buning imkoni bor! Carlavhani o`qiboq «Yana tatuajmi?» deya labingizni burmang. Bu safar salonga borib, qimmatli vaqtingiz va mablaјingizni sarflab tatuaju, «rastushyovka» qilidirishni tavsiya qilmaymiz. Hozir qoshlarni chiroyli ko`rsatishning yanada arzon va oson usullari chiqqan. Keling bu safar BIOtatuaj haqida gaplashamiz.

Tabiiysi baribir afzal

Kosmetik do`kon rastalarda qoshni bo`yash uchun mo`ljallangan vositalarning ikki turini uchratishingniz mumkin. Birinchisi tabiiy xina bo`lsa, ikkinchisi kimyoviy bo`yoqlardir. Aslida, har ikkisining ham o`z o`rni mavjud. To`јri qo`llasangiz bo`lgani, masalan, kimyoviy bo`yoqlar orasidan istagan rangingizni topishingiz mumkin. Nima bo`lganida ham ko`pgina mutaxassislar tabiiy maxsulotni tavsiya etadilar. Stilistimizning tajribasi va kuzatuvlariga tayanib, har ikki vositaning qoshlarda saqlanib turish muddati deyarli bir xil, o`rtacha ikki hafta, ekanini ta`kidlashni istardik. Qolaversa xina kimyoviy bo`yoqdan farqli o`laroq allergiya qo`zјatmasligini ham inobatga olish darkor. Ha aytgandek, bu amaliyotga qo`l urishdan avval «Soch uchun mo`ljallangan vositalardan foydalanmayman! Faqat maxsus qoshga atalgan turini xarid qilib, o`shani qo`llayman» deya so`z bering. Aks holda, qoshlaringiz to`kilib Mona Lizaga aylanib qolishingiz mumkin.

Bo`yashni boshladik

Qo`limdan kelmaydi, eplolmayman deya o`zingizga chegaralar qo`yib olmang. Hatto, eng yaxshi mutaxassis ham birinchi marta qo`rqadi. Ammo shu qo`rquvini enggani uchun ham o`z ishining ustasiga aylanadi. Axir har kuni ko`zgu qarshisida qoshlaringizni tartibga keltirasiz, qalam yoki ten bilan bo`yaysiz-ku. Agar bo`yoq biroz suyuqroq ekanini inobatga olmasangiz, biotatuaj ham huddi shu jarayonning o`zginasi. Ayniqsa qoshlaringizga oq oralaganini sezgan bo`lsangiz, amaliyotni kechiktirmaslikni tavsiya qilamiz.

Birinchi navbatda qoshlarni tartibga keltirib, ortiqchasini terib tashlaysiz.
Keyin yarim choy qoshiq xinani biroz iliq suv bilan aralashtirib olasiz. Idishingiz metall bo`lmasligiga ahamiyat bering.
Keyin qosh atrofidagi teriga yoјli krem yoki vazelin surtib chiqing, bu teriga rang singib qolishining oldini oladi.
Qoshni bo`yashni esa ingichka qismi, ya`ni tashqi burchagidan boshlaganingiz afzal.
Qanday natijaga erishishni ko`zlaganingizga qarab, xinani 15 daqiqadan 30 daqiqagacha qoshga surtib qo`yasiz.
Surtish jarayonida qo`lingiz qaltirab, qosh chegarasidan biroz chiqib ketgan bo`lsangiz, paxtali tayoqchalar yordamida ularni bartaraf eting.
Vaqt o`tgach iliq suvda namlangan paxtali disklar bilan artib olasiz.
Kipriklarga ham qo`llasa bo`ladi

Agar kipriklarni ham bo`yashga ahd qilgan bo`lsangiz, yoningizda, albatta, yordamchingiz bo`lsin. Chunki kipriklarni bo`yash choјida ko`zlaringiz yumilgan holda bo`ladi.

Pastki qovoqqa yoјliroq krem surtib olasizda, birozdan keyin maxsus yarim oy ko`rinishidagi himoyalovchi “yostiqcha”larni yopishtirib chiqasiz.
Keyin xinadan surtib, 20-25 daqiqaga qoldirasiz.
Vaqt o`tganidan so`ng esa namlangan paxtali disklar yordamida xinani artib tashlaysiz.
Foydali tavsiyalar

Rang tanlash jarayonida qiynalayotgan bo`sangiz, sochlaringizning rangiga ahamiyat bering. Qosh bilan sochning bir xil bo`lishi doim tabiiylik belgisi sanalgan.
Natija uzoqroq saqlanib turishini istasangiz, ishni boshlashdan avval qoshni skrab yordamida tozalab oling.
Agar xinaning rangi biroz to`qroq bo`lishini istasangiz, unga damlangan qahva, achchiq choy yoki kakaodan qo`shishingiz mumkin.
Shuningdek xinaga biroz limon sharbatidan qo`shsangiz, rangi yanada uzoqroq saqlanib turadi.
Kosmetik do`konlardagi o`rtacha narxi 15 000 so`m.

MAFTUNA tayyorladi
Manba: Darakchi.uz