ChIROYLI KEKSAYISh SIRLARI

Yoshlik va go`zallikni saqlashga qancha urinmaylik, yillar, baribir, o`z ishini bajaradi. Qarishdan qo`rqib, tig` tagiga yotishgacha boramiz va vaziyatni yanada qiyinlashtiramiz. Keling, yaxshisi, tabiat qonuniga qarshi bormagan holda shunchaki tabiiy yo`llar bilan chiroyli keksayishni o`rganamiz. Buning uchun quyidagi maslahatlarga rioya qilsangiz bo`lgani.

1. Inson tanasi vaqt o`tgani sari o`zgaradi va bu normal holat. Yodda tuting: sizning maqsadingiz yoshlikdagi go`zalligingizni xaykaldek qotirib qo`yish emas, yosh o`tganda ham chiroyli ko`rina olishga urinishdir.

2. Yoshingiz ulg`aygani sayin a`lo darajada ko`rinishingiz kerak. Yuvilmagan, paxmoq sochlar, tirnoqlardagi yarim ko`chgan laklar, baland poshnali poyabzallar, kalta-kulta yubka va ko`ylaklarni unuting.

3. Sochingizni malakalai ustaga kestiring. Shunda sochni yuvib, fenda quritsangiz bas, turmagingiz kelasi yuvilgunga qadar ko`zingizni quvontiraveradi.

4. Engil qadamlar tashlab yurish uchun, avvalo, vazn to`plamang, kalsiyni ko`proq iste`mol qiling, shunda oyoq barmoqlarida yoriqchalar paydo bo`lmaydi, siz esa yurishga qiynalmasiz.

5. Gulli matodan tikilgan kiyimlardan voz keching. Sochlariga oq tushgan xonimlarga och pushti, zaytun, och jigarrang, sut va qahvali sutrangidagi liboslar tavsiya etiladi.

6. Iyakni to`g`ri ushlab elkangizni g`oz tutishga odatlaning. Elkalar bukilganligi yoshingizga yana 10 yosh qo`shib beradi.

7. Doim tabassum qiling, buning uchun tishlarni doimiy parvarishlash shart.

8. Sog`ligingizga beparvo bo`lmang, tez-tez shifokor ko`rigidan o`tib turing, buyurilgan muolajalarni bajaring, to`g`ri taomlaning. Sog`ligingizda muammo bo`lsa, tabiiyki bu yuzda ham aks etadi.

9. Vaqtg haєidagi fikringizni o`zgartiring, shoshishdan to`xtang, vaqtida uxlab, dam oling. Yoga bilan shug`ullanishni odat qiling. Yangiliklarga intiling, zamon bilan xamnafas bo`ling, nevaralaringiz bilan ko`proq suhbatda bo`ling, yosharasiz.
Manba: Darakchi.uz