DOIM KULIB YuRIShGA ODATLANING

Doim kulib yurishga odatlaning. Hatto eng go`zal, jozibali ayol ham tabassumsiz atrofidagilarning ishonchini qozona olmaydi. Yodda tuting, samimiy tabassumingiz qiyinchiliklarni osongina engib o`tishingiz, ichki dunyongiz, hayotning yorqin ranglarinigina ko`ra olishingizdan darak beradi. Kimdir yo nimadir sabab ta`bingiz tirriq bo`lsa ham yuzingizdan kulgu arimasin! Bir necha daqiqadan so`ng kayfiyatingiz o`z-o`zidan ko`tarilishiga guvoh bo`lasiz. Ma`lumotlarga qaraganda, optimistlar pessimistlarga qaraganda 10-20 % ko`proq umr ko`rar ekan. Kasallikdan ham pessimistlarga nisbatan tezroq oyoqqa turishar ekan. Yurak xastaligiga ham aynan pessimistlar ko`proq chalinar ekan.
Manba: Darakchi.uz