​«Dori tabletkasini bo`lib ichish mumkinmasmi?»

– Og`riqsizlantiruvchi preparalarni ikki-uch qismga bo`lib qabul qilaman, chunki butunligicha icholmayman-da. Yaqinda bir tanishim aytib qoldi, bu tariqa dori vositasining ta`siri yo`qolar ekan, chindan shundaymi?

Komila Shoislomova, Sirdaryo viloyati

Savollarga shifokor-terapevt Nodira HAMROEVA javob beradi:

– Og`riqsizlantiruvchi dori vositalari turli ko`rinish (kapsula, draje, tabletka)larda ishlab chiqarilib, har biri o`ziga xos ta`sir kuchiga ega. Kapsulani ikkiga ajratib bo`lmaydi, ichidagi kukunini alohida qabul qilish ham mumkin emas. Ustki qoplami oshqozonni ta`sirlantirmaslik uchun atay ishlab chiqarilgan. Tabletka yuzasida bir chiziq bo`lsa, uni ikkiga bo`lish mumkin, aksi bo`lsa shundayligicha qabul qilgan ma`qul. Og`riqsizlantiruvchi preparatlarni och qoringa ichish nojo`ya oqibatlarni keltirib chiqarishini unutmang.
Manba: Darakchi.uz