«Эрталаб пул берсам, барака кетадими?»

— Эрталаб пул бериш пулнинг баракасини учиради, деган гап бор. Шу асослими?

Саволга Тошкент шаҳар, Шайхонтоҳур туман бош имом хатиби, «Шайх Зайниддин» жоме масжиди имом хатиби Одилхон қори ЮНУСХОН ўғли жавоб беради.

— Шариатда эркак ўз қўл остидагиларни молиявий тарафдан таъминлаши лозим. Оила аъзолар қачон муҳтож бўлсалар, ўша вақтда уларга пул берилиши жоиз. Шунингдек, муҳтож одамга тонг саҳарлаб эҳсон қилишнинг ҳечқиси йўқ.

Эрталаб пул берилса, барака кетади, деган гап асоссиз. Бу одамлар ўзлари ўйлаб топган нарса. Аслида, Аллоҳ пулга барака бериб қўйган бўлса, эрталаб сарфланса ҳам, ундан барака кетмайди.