Fotima-Zuhromi yoki Hasan-Husan?
- Категории: Ajoyib foydali maslahatlar / juda foydali maslahatlar
- Название: Fotima-Zuhromi yoki Hasan-Husan?
- Дата релиза: 25-02-18, 14:53
Fotima-Zuhromi yoki Hasan-Husan?
Ayolning qorin bo`shlig`ida joylashgan juft tuxumdonda ikki hayz orasida bir tuxumhujayra etiladi. Odatda bu to`rt haftada bir – yo o`ng, yo chap tuxumdonda sodir bo`ladi. Keyingi hayz maromida avval tuxumhujayra etiltirgan tuxumdon «dam oladi», navbatdagi tuxumhujayra ikkinchi tuxumdonda etiladi. Ana shu o`ziga xos «kelishuvchanlik» ayolning tug`ishga qodir bo`lgan davri mobaynida davom etadi.
Biroq vaqt-vaqti bilan tabiat er yuzida odamzodning kamayib ketayotganini his qilibmi, yoki qiz va o`g`il bolalar muvozanati buzilayotganini sezibmi, ayol organizmining bu faoliyatiga «aralashadi». Shunda tuxumdonlar odatdagidek navbatma-navbat emas, ikkalovi birdan bittadan tuxumhujayra yoki bir tuxumdon (ikkinchisi «dam olayotganda») ikki tuxum hujayra hosil qiladi. Biri – bitta, ikkinchisi esa qo`shaloq yoki undan ko`p tuxumhujayra hosil qilgan hollar ham uchraydi. Faqat bu kamdan-kam sodir bo`ladi.
Umuman, o`rta hisobda har 85 tug`uruqqa bir egizak, har 6-8 ming tug`ruqqa esa biryo`la uch egizak to`g`ri kelishi kuzatiladi. Undan ortiq egizak tug`ish ahyon-ahyonda uchraydi.
Bir tuxumli egizaklar ikki yadroli tuxumhujayraning spermatazoid bilan otalanishidan yoki ikki yadroli spermatazoid bir yadroli tuxumhujayrani otalantirishi natijasida hosil bo`ladi, ba`zan tuxumhujayralar uchta, to`rtta (va undan ortiq) yadrodan iborat bo`lsa, uchtalik, to`rttalik va hokazo egizaklar rivoj-lanishi mumkin.
Bir tuxumli egizaklarning plasentasi bitta, ularning jinsi ham (faqat qiz yoki faqat o`g`il), qon guruhdari ham bir xil va tashqi qiyofalari bir-biriga juda o`xshash bo`ladi, ularni hatto eng yaqin kishilari ham bir-biridan ajratishga qiynaladilar. Ikki tuxumli, ya`ni har xil tuxumdan rivojlanadigan egizaklar bir vaqtda etilgan va alohida urug`lar bilan otalangan ikki va undan ortiq tuxumhujayradan hosil bo`ladi. Ular o`zicha mustaqil rivojlanadi, plasentasi ham alohida bo`ladi, qon guruhlari esa bir yoki har xil bo`lishi mumkin. Shunga qarab jinslari ham bir yoki har xil bo`ladi. Ular o`rtasidagi o`xshashlik odatdagicha: «aka-uka», «opa-singil», «aka-singil», «opa-uka»dek bo`ladi.
Egizaklarning bo`yi va og`irligi (ba`zan ancha) farq qiladi, bu bachadon-plasenta qon aylanish tizimidan oziq moddalarning teng taqsimlanmaganligi bilan bog`liq. Egizaklar bachadonda turlicha holatda joylashgan bo`ladi. Ko`pincha bo`ylamasiga – biri bachadonning o`ng va boshqasi chap tomonini egallaydi. Egizak homilani homiladorlikning ikkinchi yarmida, yurak urishi eshitiladigan paytda aniqlash mumkin, ultratovushli diagnostik apparatlar yordamida esa 3-5 haftadayoq aniqlasa bo`ladi. Egizak homilalarda ayol organizmiga zo`r kelib, boshqorong`ilik ancha qiyin kechadi, bachadonning nihoyatda cho`zilishi natijasida tug`ruq vaqtidan oldinroq ro`y beradi. Shuning uchun ham homilasi egizak deb topilgan ayollar tez-tez ginekologga ko`rinib turishlari, 27-29 haftalik bo`lganda esa erta tug`ib qo`yishning oldini olish maqsadida tug`ruqxonada profilaktik davolanishlari zarur. Ular tug`ish vaqtidan biroz avvalroq tug`ruqxonaga yotsalar yaxshi bo`ladi, chunki homila o`z vaqtida tug`ilsa ham qog`onoq suvining erta ketib qolishi, to`lg`oqning zaif bo`lishi va shu kabi ba`zi holatlar uchraydi. Umuman esa ko`p homilalik normal kechganda tug`ruq vaqtida deyarli hech qanday asoratlar kuzatilmaydi.
Egizaklarning tug`ilishida irsiyat, naslning ahamiyati bormi, degan savolning tug`ilishi tabiiy. Shuni aytish kerakki, bo`lajak onalar yoki otalarning o`zlari egizak tug`ilgan, ota-bobolari yoki nisbatan uzoqroq egizak qarindoshlari bo`lgan oilalarda egizaklarning tug`ilish ehtimoli ko`proq bo`ladi.
“Xotin-qizlar ensiklopediyasi”dan
Biroq vaqt-vaqti bilan tabiat er yuzida odamzodning kamayib ketayotganini his qilibmi, yoki qiz va o`g`il bolalar muvozanati buzilayotganini sezibmi, ayol organizmining bu faoliyatiga «aralashadi». Shunda tuxumdonlar odatdagidek navbatma-navbat emas, ikkalovi birdan bittadan tuxumhujayra yoki bir tuxumdon (ikkinchisi «dam olayotganda») ikki tuxum hujayra hosil qiladi. Biri – bitta, ikkinchisi esa qo`shaloq yoki undan ko`p tuxumhujayra hosil qilgan hollar ham uchraydi. Faqat bu kamdan-kam sodir bo`ladi.
Umuman, o`rta hisobda har 85 tug`uruqqa bir egizak, har 6-8 ming tug`ruqqa esa biryo`la uch egizak to`g`ri kelishi kuzatiladi. Undan ortiq egizak tug`ish ahyon-ahyonda uchraydi.
Bir tuxumli egizaklar ikki yadroli tuxumhujayraning spermatazoid bilan otalanishidan yoki ikki yadroli spermatazoid bir yadroli tuxumhujayrani otalantirishi natijasida hosil bo`ladi, ba`zan tuxumhujayralar uchta, to`rtta (va undan ortiq) yadrodan iborat bo`lsa, uchtalik, to`rttalik va hokazo egizaklar rivoj-lanishi mumkin.
Bir tuxumli egizaklarning plasentasi bitta, ularning jinsi ham (faqat qiz yoki faqat o`g`il), qon guruhdari ham bir xil va tashqi qiyofalari bir-biriga juda o`xshash bo`ladi, ularni hatto eng yaqin kishilari ham bir-biridan ajratishga qiynaladilar. Ikki tuxumli, ya`ni har xil tuxumdan rivojlanadigan egizaklar bir vaqtda etilgan va alohida urug`lar bilan otalangan ikki va undan ortiq tuxumhujayradan hosil bo`ladi. Ular o`zicha mustaqil rivojlanadi, plasentasi ham alohida bo`ladi, qon guruhlari esa bir yoki har xil bo`lishi mumkin. Shunga qarab jinslari ham bir yoki har xil bo`ladi. Ular o`rtasidagi o`xshashlik odatdagicha: «aka-uka», «opa-singil», «aka-singil», «opa-uka»dek bo`ladi.
Egizaklarning bo`yi va og`irligi (ba`zan ancha) farq qiladi, bu bachadon-plasenta qon aylanish tizimidan oziq moddalarning teng taqsimlanmaganligi bilan bog`liq. Egizaklar bachadonda turlicha holatda joylashgan bo`ladi. Ko`pincha bo`ylamasiga – biri bachadonning o`ng va boshqasi chap tomonini egallaydi. Egizak homilani homiladorlikning ikkinchi yarmida, yurak urishi eshitiladigan paytda aniqlash mumkin, ultratovushli diagnostik apparatlar yordamida esa 3-5 haftadayoq aniqlasa bo`ladi. Egizak homilalarda ayol organizmiga zo`r kelib, boshqorong`ilik ancha qiyin kechadi, bachadonning nihoyatda cho`zilishi natijasida tug`ruq vaqtidan oldinroq ro`y beradi. Shuning uchun ham homilasi egizak deb topilgan ayollar tez-tez ginekologga ko`rinib turishlari, 27-29 haftalik bo`lganda esa erta tug`ib qo`yishning oldini olish maqsadida tug`ruqxonada profilaktik davolanishlari zarur. Ular tug`ish vaqtidan biroz avvalroq tug`ruqxonaga yotsalar yaxshi bo`ladi, chunki homila o`z vaqtida tug`ilsa ham qog`onoq suvining erta ketib qolishi, to`lg`oqning zaif bo`lishi va shu kabi ba`zi holatlar uchraydi. Umuman esa ko`p homilalik normal kechganda tug`ruq vaqtida deyarli hech qanday asoratlar kuzatilmaydi.
Egizaklarning tug`ilishida irsiyat, naslning ahamiyati bormi, degan savolning tug`ilishi tabiiy. Shuni aytish kerakki, bo`lajak onalar yoki otalarning o`zlari egizak tug`ilgan, ota-bobolari yoki nisbatan uzoqroq egizak qarindoshlari bo`lgan oilalarda egizaklarning tug`ilish ehtimoli ko`proq bo`ladi.
“Xotin-qizlar ensiklopediyasi”dan
Смс Шерлар
