ISh QOBILIYaTINGIZNI OShIRIShNI ISTAYSIZMI? TAVSIYaLAR BILAN TANIShING!

1.Har tong kontrast dush qabul qiling!Bu muolaja organizmda qon aylanishi va moddalar almashinuvini yaxshilaydi. Shuningdek, immunitet va teri to`qimalari mustahkamlanadi.

2.8 soatdan kam uxlamang! Uyqu organizmning zaxiralari to`lishi uchun eng yaxshi quvvat manbai sanaladi.

3.Ovqatlanish tartibiga rioya qiling! Ishga otlanishdan avval nonushta qiling! Ishingiz qanchalar ko`p bo`lmasin, tushlik qilishga odatlaning!

4.Jismoniy tarbiyani unutmang! Ertalabki badan tarbiyani o`zingiz uchun yoqimli majburiyatga aylantiring. Ish vaqtida dam-badam turib, 10-15 daqiqa davomida yuring, imkoni bo`lsa, engil mashqlar bajaring.

5.Ish stolingizni ozoda tuting. Atrofingizda yoyilib turgan buyumlaru qog`ozlar fikringizni bir joyga to`plashga halal berishi mumkin.

6.Kun boshida qiyin ish qilmang! Asta-sekinlik bilan ish bosimini kuchaytirib boring. Birdaniga og`ir ishga kirishsangiz o`zingizni ruhan va aqlan charchatib qo`yasiz. Keyin hech qanday ish qilgingiz kelmay qoladi.

7.Tanaffus vaqtida hamkasblaringiz bilan suhbatlashing. Ishga ko`milib o`tirgan vaqtda o`zingizga ruhiy hordiq bering. hamkasblar bilan dildan suhbatlashish kayfiyatingizni biroz bo`lsada ko`tarishiga ishonchimiz komil.

8. Belgilangan vaqtda uyga keting! Buning uchun ishingizni o`z vaqtida bajaring. Majburiyat yuzasidan ortiqcha ikki soat ishlash bilan nimaga erishasiz? Kun davomida bitmagan ishingiz endi bitarmidi? Tartibli bo`lishga intiling!
Manba: Darakchi.uz