«JUDA OZG`INMAN, KIYIM TANLAShGA QIYNALAMAN...»

-16 yoshdaman. Qorachadan kelgan, ozg`in, o`rta bo`yli qizman. Yuz tuzilishim uzunchoq. Ayting-chi, menga qanday ranglar va qaysi uslubdagi liboslar tavsiya etiladi?

Gulnora, Samarqand shahri

Yulduz AHMEDOVA, stilist-dizayner: — Siz uchun yoshingizga mos bo`lgan shim, kofta, tizzagacha uzunlikdagi “kokteyl” ko`ylaklar va leggenslar bilan moslangan tunikalar tavsiya etiladi. Asosiysi, bitta ko`rinishda faqat 2-3 xil rangdan foydalaning. Ozg`in tana tuzilishiga ega bo`lsangiz, badanga yopishib turuvchi liboslarni tanlamang. Ular sizni yanada ozg`inlashtirib ko`rsatadi. Bel qismi xiyol kengayib, uzunasiga torayib tikilgan shimlar, erkin uslubdagi koftalarni beliga tasma qadab kiyishingiz mumkin. Asosiy shart: іar qanday libosni tanlashdan avval rangi, bichimi va mavsumiy mosligini e`tiborga oling. Teringiz rangi yarq etib ko`zga tashlanuvchi matolar bilan ajaralib qoladi. Shu sabab sokin rangdagi liboslarni tanlaganingiz ma`qul.
Manba: Darakchi.uz